Eden Azar  çıxış etdiyi sabiq çempionata qayıda bilər.

“Real”da heyətə düşə bilməyən 30 yaşlı futbolçunun xidmətində premyer liqanın bir neçə komandası maraqlıdır. Bir müddət əvvəl onun yenidən “Çelsi”yə qayıda biləcəyi haqda söhbətlər dolaşırdı. Maraqlıdır ki, Azarın xidmətində “Tottenhem” də maraqlı idi. Amma Antonio Kontenin gəlişindən sonra “hotspurlular” Edeni almaqdan imtina edib. İtaliyalı mütəxəssis London klubunun rəhbərliyindən belçikalının yox, onun komanda yoldaşı Qaret Beylin transfer olunmasını tələb edib. Məsələ ondadır ki, mövsümün sonunda uelsli futbolçunun “Real”la müqaviləsi başa çatır. Qaret ötən mövsüm “Tottenhem”in heyətində icarə əsasında çıxış etmiş, amma premyer liqa təmsilçisi sonradan bu futbolçunun transferindən imtina etmişdi.